ဘားအံ၊ မတ် ၁၅
ကရင်ပြည်နယ် ဘားအံခရိုင် ပိုင်ကျုံမြို့နယ်အတွင်းရှိ ပူးလူးတူ စခန်းသိမ်းတိုက်ပွဲတွင် စစ်ကောင်စီတပ်ဖွဲ့ဝင် ၁ ၂ ဉီးသေဆုံးပြီး တော်လှန်ရေးရဲဘော် ၃ ဉီး ကျဆုံးခဲ့ကြောင်း သိရသည်။
ပိုင်ကျုံမြို့နယ်အတွင်း စစ်ကောင်စီတပ် ခလရ (၃၁) အထိုင် ပွိုင့် ၁၂၄၈ ပူးလူးတူ အခြေစိုက် ခြေကုပ်စခန်းကို ကေအဲန်ယူ-ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ(၇)၊ တပ်ရင်း (၂၂) ဦးဆောင်ပြီး ကရင်အမျိုးသားကာကွယ်ရေး တပ်ဖွဲ့ (KNDO) နှင့် တော်လှန်ရေးပူးပေါင်းတပ်ဖွဲ့များက မတ်လ (၁၄) ရက်နေ့ တွင် အပြီးသတ် သိမ်းပိုက်ရရှိခဲ့သည်ဟု KNU ဗဟို၏ ထုတ်ပြန်ချက်တွင် ဖော်ပြထားသည်။
အဆိုပါ စခန်းသိမ်းတိုက်ပွဲကာလအတွင်း စစ်ကောင်စီ တပ်သား (၁၂) ဦး သေဆုံးပြီး (၁၁) ဦး ထိုင်းဘက်သို့ ထွက်ပြေးလွတ်မြောက်သွားခဲ့ကြောင်း၊ ထွက်ပြေးလွတ်မြောက်သူ (၁၁) ဦးအနက် (၃) ဦးဒဏ်ရာရရှိ၍ ထို (၁၁) ဦးနှင့် အတူ လက်နက်ငယ် ၂ လတ် နဲ့ လက်ပစ်ဗုံး ၁ လုံး အတူပါရှိ လွတ်မြောက်သွားခဲ့ကြောင်း ဖော်ပြထားသည်။
တိုက်ပွဲအတွင်း ကရင်အမျိုးသားလွတ်မြောက်ရေးတပ်မတော်ဘက်မှ (၆) ဦး ဒဏ်ရာရရှိပြီး (၃) ဉီး ကျဆုံးခဲ့ကြောင်း သိရသည်။
