နောင်ချို၊ မတ် ၁၆
ရှမ်းပြည်နယ်မြောက်ပိုင်း နောင်ချိုမြို့ရှိ စိန်ရတနာပရိယတ္တိစာသင်တိုက် ကို ယနေ့ညနေပိုင်း ၅ နာရီခွဲခန့်တွင် အာဏာသိမ်စစ်တပ်က လေကြောင်းဖြင့် ဗုံးကြဲပစ်ခတ်တိုက်ခိုက်သွားရာ သံဃာ ၉ ပါး အပါအဝင် ၁၄ ဉီး သေဆုံးခဲ့ကြောင်း သိရသည်။
၅ နာရီခွဲဝန်းကျင်တွင် တိုက်လေယာဉ်ဖြင့် ဗုံး ၂ လုံးကို ၂ ကြိမ်၊ လေယာဉ်ပါ စက်သေနတ်ဖြင့် ၂ ကြိမ် ဗုံးကြဲ ပစ်ခတ်တိုက်ခိုက်သွားခြင်းဖြစ်ကြောင်း ဒေသခံ ထံမှ သိရသည်။
အဆိုပါ တိုက်ခိုက်မှုကြောင့် စိန်ရတနာ ပရိယတ္တိစာသင်တိုက်အတွင်းသို့ ကျရောက်ပေါက်ကွဲခဲ့ပြီး ဘုန်းကြီးကျောင်းတွင် သီတင်းသုံးနေသော ကိုရင် ၈ ပါး၊ ဉူးဇင်း ၁ ပါး အပါအဝင် စုစုပေါင်း ၁၄ ဉီး သေဆုံးခဲ့ကြောင်း ဒေသတွင်း သတင်းရင်းမြစ်အချို့က ဆိုကြသည်။
တိုက်ခိုက်ခံရမှုတွင် ဘုန်းကြီးကျောင်းရှိ အဆောက်အဉီအချို့ ထိခိုက်ပျက်စီးခဲ့ကြောင်း TNLA က သတင်းထုတ်ပြန်ခဲ့သော်လည်း အသေးစိတ်ကိုတော့ မထုတ်ပြန်သေးပေ။