ပုလဲ၊ မတ် ၁၂
စစ်ကိုင်းတိုင်း အခြေစိုက် စစ်ကောင်စီတပ်မ ၃၃ မှ ဒုတပ်ကြပ် ၁ ဉီးနှင့် ပုလဲမြို့ရှိ စစ်ကောင်စီတပ်သား ၂ ဉီးတို့သည် ပြီးခဲ့သည့်ရက်ပိုင်းက ဗမာအမျိုးသားတော်လှန်ရေးတပ်မတော် (B.N.R.A) ထံ အလင်းဝင်ခဲ့ကြောင်း သိရသည်။
ပြီးခဲ့သည့် ဖေဖော်ဝါရီ ၂၇ ရက်နေ့က စစ်ကိုင်းအခြေစိုက် တပ်မ ၃၃ မှ ဒုတပ်ကြပ် လှမင်း ဆိုသူသည် MA1 သေနတ်တစ်လက်နှင့်အတူ အလင်းဝင်လာပြီး မတ် ၆ ရက်နေ့တွင် ပုလဲမြို့ခံတပ်မှ စစ်ကောင်စီတပ်သား ၂ ဉီးဖြစ်သည့် တပ်သားမျိုးကျော် ၊ တပ်သားဝေအောင် တို့သည် MA1 တစ်လက်နှင့်အတူ ဗမာအမျိုးသားတော်လှန်ရေးတပ်မတော် (BNRA) ထံသို့ ချိတ်ဆက်အလင်းဝင် ပူးပေါင်းခဲ့ကြောင်း သတင်းထုတ်ပြန်လာသည်။
အလင်းဝင်ပူးပေါင်းလာသော ၃ ဦးအနက် တပ်သား ၂ ဦးမှာ အတင်းအဓမ္မ စုဆောင်းခံရသော စစ်မှုထမ်းပြည်သူ့စစ်များဖြစ်ကာ စုစုပေါင်း MA 1 သေနတ် (၂) လက်နှင့်အတူ၊ဘောက် (၂) ခု၊ ကျည် ၄၉ တောင့် ပါရှိခဲ့ကြောင်း ထုတ်ပြန်ချက်တွင် ဖော်ပြထားသည်။
၎င်းအလင်းဝင် CDM ပြုလုပ်လာသော တပ်သား (၃) ဦးအနက် လက်နက်ဖြင့်အလင်းဝင် CDM ပြုလုပ်လာသော တပ်သား (၂) ဦးအား ငွေကျပ် သိန်း (၂၀) စီ ဆုချီးမြှင့်ကာ သွားလိုသည့်ဘေးကင်းရာ နေရာသို့ ပို့ဆောင်ပေးခဲ့ပြီးဖြစ်သည်ဟု ဆိုထားသည်။