မိုးဗြဲ၊ မတ် ၂၃
ရှမ်းပြည်နယ်တောင်ပိုင်း၊ မိုးဗြဲမြို့အခြေစိုက် စစ်ကောင်စီတပ်ရင်း ခမရ ၅၀၈ မှ စစ်ကောင်စီတပ်သား ၁ ဉီးသည် မိုးဗြဲ PDF ထံ လက်နက်နှင့်တကွ အလင်းဝင်ခဲ့ကြောင်း သိရသည်။
တော်လှန်ရေးတပ်များနှင့် တိုက်ပွဲပြင်းထန်နေသည့် မိုးဗြဲမြို့အခြေစိုက် စစ်ကောင်စီတပ်ရင်း ခမရ ၅၀၈ မှ စစ်ကောင်စီတပ်သားတစ်ဦးသည် ခမရ (၄၂၂) တွင် တာဝန်ထမ်းဆောင်နေစဥ် MA1 လက်နက်တစ်လက်နှင့်အတူ အမှတ်(၁၀၀၁) မိုးဗြဲပြည်သူ့ကာကွယ်ရေးတပ်၊ လင်းယုန်တပ်ခွဲထံသို့ အလင်းဝင်ခဲ့ခြင်းဖြစ်ကြောင်း ထုတ်ပြန်ချက်အရ သိရသည်။
၎င်းတပ်သားသည် စစ်မှုထမ်းဥပဒေအရ အတင်းစုဆောင်းခံရသူဖြစ်ပြီး စစ်ကောင်စီ၏ မတရားစေခိုင်းမှုကိုမခံစားနိုင်သောကြောင့် ထွက်ပြေးလာခြင်းဖြစ်သည်ဟု ဆိုထားကြောင်း မိုးဗြဲ PDF က သတင်းထုတ်ပြန်သည်။
အလင်းဝင်လာသည့် တပ်သားကို ဆုကြေးငွေများပေးအပ်ပြီး ဘေးကင်းလုံခြုံသည့် ထိန်သိမ်းရေးဌာနသို့ လွှဲပြောင်းရန်စီစဥ်လျက်ရှိကြောင်း ထုတ်ပြန်ထားသည်။